صحتك اليوم

صحتك اليوم: فخبارك المثلجات كتخلق هرمون السعادة ؟

شكون فينا مكيبغيش المثلجات، بشكلها الزوين والجذاب، والأذواق ديالها المتنوعة والمختلفة، ولي ثبتات الابحاث أنها من أسباب ارتفاع هرمون السعادة وكتعتبر مهدئ طبيعي كيساعد على تهدئة الأعصاب وعلاج الأرق..كيفاش؟ تبعوا معانا.

فصحتك ليوم غادي نتعرفوا على فوائد وأضرار المثلجات، ولي كتعتبر من بين الأغذية الأكثر استهلاكا في فصل الصيف عبر العالم. بحيث كتتكون من عصير الفواكه ولا الحليب المضاف ليه نكهات مختلفة أو حليب خالي الدسم بالاضافة للماء وعصير فاكهة طبيعية أو منسمات بحال الفواكه والشوكولاتة و البيض المجفف…

وكتحتوي كل حصة مثلجات على وزن 130 جرام صافية ، بلا إضافات أخرى مقسمة كالاتي :

• دهون أساسية: 1 جرام
• كولسترول: 4 جرام
• سعرات حرارية: 117 سعر
• كربوهيدرات: 22 جرام
• بروتين: 5 جرام

من فوائد المثلجات على الصحة ديالنا، أنها علاج فعال للتوتر بفضل توفرها على مادة “الترومبوتونين”، و “الكالسيوم” لي موجود فالحليب خالي الدسم، وكذلك الفيتامينات” أ ، ب ، ج ، د ، وك” لي كيمنع تخثر الدم.

أما الأضرار ديالها، فكتمثل فزيادة الوزن بسبب الدهون والسكريات لي فيها، كما أنها من الممكن تسبب لينا التهاب اللوزتين أو تسبب للبعض حساسية من المكونات لي موجودة فيه بحال اللاكتوز لي كاين فالحليب.

لي خاصنا نعرفوه ان الشيء الى زاد على حده انقلب الى ضده، دكشي علاش ينصح أنكم تستهلكوا المثلجات مرتين فالاسبوع فقط، باش ترفعوا هرمون السعادة فالدم بلا متمرضوا وكذلك من الافضل نتجنبوا استهلاكها قبل الوجبات.

أما بالنسبة لمرضى السكري ومتتبعي الحميات فبلا ماتقلقوا منسيناكمش لأن هناك أنواع مثلجات خاصة بكم ولي هي دايت أي كتوفر على بدائل صناعية للسكر وكميات منخفضة من الدهون.

كانوا هادو أهم النصائح ديال هاد الأسبوع نتلقاو الخميس الجاي فموضوع جديد ونصائح جداد.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: