صحتك اليوم

صحتك اليوم: القهوة بالحليب كاضرب الكلاوي؟

فصحتك اليوم، غادي نتعرفوا جميعا على الأضرار أو المخاطر لي ممكن تسببهوم لينا القهوة بالحليب واللي قليل منا كايعرفهوم أو فايت سمع بيهوم.

القهوة بالحليب، من المشروبات الساخنة الأكثر استهلاكا فالبيوت المغربية وعلى المستوى العالمي، لكن لي ماكايعرفش الكثير منا أن خلط هاذ المادتين ممكن اسبب مشاكل صحية عويصة ولي تقدر تخلق مضاعفات خطيرة على الصحة العامة ديالنا.

لأن الخلط بيناتهوم كيأدي لزيادة كمية ا”لبوتاسيوم” لي كتأدي للتلف البطيء للكلي، وحتى بالنسبة للناس لي عندهوم مشكل فالكلي، فالقهوة بوحدها تقدر تشكل ليهوم مشكل، وهادشي علاش ينصح للعامة بشرب القهوة بكميات منخفضة.

القهوة بالحليب ليها أضرار اخرين، منهوم “زيادة الوزن”، “تسوس الأسنان” بسبب مادة اللاكتوز الموجودة فالحليب، وأخيرا “صعوبة الهضم” نتيجة اتحاد الكافيين الموجود فالقهوة مع البروتين الموجود فالحليب، وهنا كيصبح امتصاصو صعب على الجسم وخاصة لأصحاب القولون.

لكن مع ذلك، مايمكنش نكرو أن هاذ المشروب ليه بعض الفوائد واللي منها تخفيف الأرق بحيث أن الحليب كيقلل من تأثير الكافيين، بالضافة لإمداد الجسم بالعناصر الغذائية خاصة الكالسيوم والفيتامين K  ، وأخيرا تحسين صحة البشرة عن طريق مضادات الأكسدة الموجودة فالقهوة.

كانوا هادو أهم النصائح ديال اليوم نتلاقاو السيمانة الجاية فموضوع جديد ونصائح جداد.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: